அமேசான் மேலாளர் கொலையில் ‘மாயா’ கும்பலின் 18 வயது தலைவன் கைது: பாலிவுட் படத்தால் உந்தப்பட்டு ஆயுதம் எடுத்ததாக பதிவு

புதுடெல்லி: டெல்லியில் அமேசான் மேலாளர் கொலை வழக்கில் முக்கியக் குற்றவாளியான மாயா கும்பலின் 18 வயது தலைவன் நேற்று கைதானார். இவர் பாலிவுட்டின் ‘ஷுட் அவுட் லோக்கன்ட்வாலா’ படநாயகன் விவேக் ஓபராய் பாத்திரத்தால் கவரப்பட்டு ஆயுதம் எடுத்ததாக, தனது சமூக வலைதளபக்கத்தில் பதிவு செய்துள்ளார்.

டெல்லியின் வடகிழக்குப் பகுதியில் பஜன்புறாவில் வசித்தவர்ஹர்பிரீத் கில் (36). இவர் கடந்த செவ்வாய்கிழமை இரவு தனது நண்பரான கோவிந்த் சிங் (32) உடன் விருந்து உண்ண கிளம்பினார். இரு சக்கர வாகனத்தில் இரவு 11.30 மணிக்கு சென்றவர்கள் மீது மற்றொரு பைக் மோதியது. இருதரப்பினருக்கும் வாக்குவாதம் ஏற்பட்டுள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்